MUS aamma LUS

MUS aamma LUS

Sulisunik Ineriartortitsinissat pillugit Oqaloqateqarnerit aamma Pisortanik Ineriartortitsinissat pillugit Oqaloqateqarnerit qanoq ingerlanneqassanersut pisortat ataasiakkaat namminneq aalajangissavaat. 

Namminersorlutik  Oqartussat sulisoqarnikkut politikkiat naapertorlugu sulisut tamarmik ukiumut ataasiarlutik MUS-imik ikinnerpaamik ataatsimik pisinnaatitaaffeqarput, aamma pisortaq sulisorlu tamatuma pinissaanut ataatsimoorlutik akisussaallutik.  

Pingaarpoq nakkutigissallugu oqaloqatigiinneq:

  • Allanut ingerlateqqinneqartussaanngimmat (Pikkorissarnissamullu kissaatit oqaatigineqarsinnaallutik)
  • Akissarsiat pillugit oqaloqatiginninnerunngimmat aamma atorfik pillugu oqaloqatiginninnerunngimmat
  • Ulluinnarni oqaloqatigiittarnernut tapiummat
  • Sulisup piginnaasaata aamma suliffiup piumasaqaataasa akornanni paasiniaanerummat
  • Sulisup suliffimmi atugarisai isiginiarneqarmata kiisalu sulisup suliffeqarfiullu ineriartorneranut tunngatillugu kissaatai aamma pisariaqartitai.

Sulisutut MUS oqaloqatigiinnerup, taanna ingerlanneqareerpat, atsiornissaa pillugu qinnuigineqassaatit. Illit pisortavillu akornanni isumaqatigiinngissutit akuerineqarneri pillugit atsiornerunngilaq, taanna oqaloqatigiinnerup ingerlanneqarsimaneranik uppernarsaatitut taamaallaat atuuppoq. Isumaqatigiinngissutaasut tamatuma kingorna oqallisigineqartariaqarput.

Oqaloqatigiinneq allanut ingerlateqqinneqartussaanngimmat illit sulisutut arajutsinaveersaassavat, illit pisortavit atorfimminit tunuarnerani, siusinnerusukkut MUS-imik oqaloqatigiissimanernit uppernarsaatit nutaamik pisortartaarnut tunniunneqassanersut illit nammineq aalajangissagakku.

Pisortap MUS-imut piareersarnera

MUS tassaavoq siunissami suliassat, ilimagisat, suliffimmi atukkat piginnaanngorsaqqinnerlu pillugit sulisuminik oqaloqateqarnissamut pisortap periarfissaa. Sulisutit suna pillugu oqaloqatiginnikkusunnerlutik piareersarnissat isuma pitsaasuusinnaavoq. Assersuutigalugu uku pineqarsinnaapput:

  • Atugarissaarneq 
  • Kajumissuseq
  • Sulisup inuttut malunnaataanik paasinninneq
  • Ataatsimoorussamik anguniakkat
  • Pitsaanerusumik atassuteqarneq
  • Niuernerpalaartumik pitsaanerusumik angusaqarneq
  • Immikkoortortami kulturi  

MUS-skema Namminersorlutik Oqartussat

LUS-skema Namminersorlutik Oqartussat