Sulisut peqatigiiffiat ALLU

Personaleforeningen ALLU's logo

Namminersorlutik Oqartussani tassanilu suliffeqarfiutigineqartuni, kiisalu Inatsisartut Allattoqarfianni sulisutut Namminersorlutik Oqartussani sulisut peqatigiiffiannut ALLU-mut peqataalersinnaavutit

ALLU isumaqarpoq puisip sikumi anersaartorfia.

Namminersorlutik Oqartussani sulisunut katerisimaarluni sammisaqartitsisarnissaq naapitaqarnissarlu ALLU-mi siunertaapput, suliallu qimallugit ALLUkkut puilluni anersaartorfiusinnaasoq. Tamatuma saniatigut ALLU akikillisaavigitinnissaq pillugu arlalinnik isumaqatigiissuteqarpoq ilaasortatut atorsinnaasannik.

Ilaasortanit kissaatigineqartut suliniutigineqartullu apeqqutaatillugit ALLU-mi assigiinngitsorpassuarnik aaqqissuussisarpugut, soorlu filmeriarnerit tusarnaariarnerit, oktobarimi nuannanneq illunnguusiornerlu. Ilaasortanut susassaqartitsinerit aaqqissuussallu ilaanni assersuutigalugu ilaquttat ilaserineqarsinnaapput.

Naalakkersuisoqarfiit, immikkoortortaqarfiillu qitiusumik allaffeqarfimmiittut Inatsisartullu Allattoqarfiat ALLU siulersuisuini sinniisoqarsinnaapput. Naalakkersuisoqarfiit aqutsisoqarfiillu tamarmik immikkut sisamanik sinniisoqarsinnaapput. Suliffigisanni sinniisup ilaasortaanermut nipitittakkat agguuaanneqarsinnaat isumagissavaa, nipitittakkallu iluaqutsiullugit susassaqartsinernut peqataasinnaassaatit, pisiniarfinni akikilliliivigineqartassaatit Siulersuisunnullu aaqqissuussinissamut susassaqartitsinissamullu siunnersuuteqarsinnaallutit.

Uani allattorsimaffimmi ALLU - p siulersuisuini suleqatitit tamaasa takusinnaavatit.

Allu-mi siulersuisut allattorsimaffiat facebook-ip quppernerani nanisinnaavatit.

Ilaasortaanermut ilisarnaammik nipitittakkamik amigaateqaruit, susassaqartitsinissamut siunnersuutissaqaruit apeqqutissaqaruilluunniit saaffigisassatit tassani allassimapput.

Facebookkimi quppernerput nassaarisinnaavat: ” Allu - Personaleforening | Facebook

Soorunami aamma ALLU mailianut allu@nanoq.gl -imut allassinnaavutit.

Suleriaasissaq

Ileqqoreqqusat