Whistleblowerordningen

Whistleblower-portalen

Oqaatiginnissinnaatitaaneq pillugu internetikkut isertarfik tassaavoq toqqissisimasumik kinaassutsimillu isertuussilluni Namminersorlutik Oqartussani Qitiusumik Allaffeqarfimmi, immikkoortortaqarfinni taakkua ataanniittuni imaluunniit Nukissiorfinni, Asiami Mittarfeqarfinnilu akilersilluni peqquserluttoqarneranik unioqqutitsisoqarneranilluunniit misigisaqaraanni pasitsaassaqaraanniluunniit nalunaarutiginnittarnissamut periarfissaq.

Periuseq atorumaneruneqarnerusartoq tassaavoq immikkoortortami pisortamut imaluunniit naalakkersuisoqarfimmi pisortamut/aqutsisoqarfimmi pisortamut oqaloqatiginnittarneq.

Aqutsisoqatigiinni arlaat oqaloqatigisinnaanngissorigukku, oqaatiginnissinnaatitaaneq pillugu isertarfik "Whistleblower-portalen" aqqutigalugu kinaassutsinnik isertuussillutit imaluunniit isertuussinak atorsinnaavat.

Oqaatiginnissinnaatitaaneq pillugu isertarfik qatserisartoqarfimmut sianernerup assingatut atorneqassaaq - tassa imaappoq taamaallaat ajornartuuinnerni. Naammagittaalliuutit pillugit imaluunniit pissutsinik naammaginninnginneq pillugu saaffiginnissutinut atugassiaanngilaq. 

 

Kinaassutsinnik isertuussinissannut ilitsersuut

  • Qarasaasiaq sulisitsisunnit tunniunneqarsimasoq atoqinagu
  • Qarasaasiaq intranetimut atassuserneqarsimasoq atoqinagu.
  • Attavimmik (linkimik) toorsinak, internetikkut ujarliummut URL-adressi nuutsiguk imaluunniit allaguk.
  • Paasissutissat ilinnut namminermut tunngasut allaqinagit
  • Uppernarsaatinit tamanit paasissutissat tassunga atasut saqqumisuunngitsut nassiussilinnginnerni piiakkit. Ilitsersuut ugguuna naniuk.

 

Postboksimik pilersitsigit

Nalunaarutiginnikkuit, postboksimik pilersitsinissamut periarfissaqalissaatit. Taava attavigisinnaassavatsigit malinnaatitsisunillu apeqquteqarfigisinnaassallutit illillu kinnaassutsit isertuutiinnarsinnaavat.

Taamaattumik nalunaarutiginnikkuit postboksimik pilersitsinissat eqqaamajuk. Taamaasiorsinnaavutit nalunaarutiginnittarnermut quppernerup naqqarpiaani. Tassani nammineerlutit isissutissat ilinnut tunngasoq pilersissavat "send"-ilu toorukku suliap normuanik atuisutut atissat saqqummissaaq.

Isissutissat nassaareqqissinnaaniassagakku allaguk.

Ulluni tulliuttuni qulini suliamit sullissisumit saaffiginnissutinik postboksinnut ikisisoqarsimanersoq takuniarlugu, postboksivit alakkallattaarnissaa kaammattuutigineqassaaq.

 

Nalunaarummik suliaqannginnerit sioqqullugu quppersagannguup atuaqqaarnissaa siunnersuutigaarput.

Pissutsinik eqqunngitsuusorisanik saqqummiussisarneq pillugu aaqqissuussanut malittarisassat aammattaaq quppersakkamit pissarsiarisinnaavatit.

 

Qularutiginnikkuit, taava nalunaarutiginnigit.

Oqaatiginnissinnaatitaaneq pillugu isertarfik nanisinnaavatit uani:

 

https://oqarit.nanoq.gl/

Siunnersuutigaarput URL-adresse attavimmik linkimik/ toorsinak internetikkut ujarliut atorlugu nuutsitsigit/ikkussigit. Kinaassutsinnik isertuussinissannik qulakkeerinninnissamut iluaqutaassaaq.