Qitiusumik Pisiortortarnermut Immikkoortortaqarfik

Qitiusumik Pisiortortarnermut Immikkoortortaqarfik Namminersorlutik Oqartussanut nioqqutissat kiffartuussisarnerlu pillugit neqeroortitsisarnermik isumaqatigiissusiortarnermillu isumaginnittuuvoq. Anguniagaavoq pitsaanerujartuinnartumik pisiniartalernissaq, taamaalilluni aningaasat suliassaqarfinnut allanut Kalaallit Nunaannut pingaarutilinnut atorneqartarniassammata.

Pisiortortarnermut Immikkoortortaqarfik qitiusumik immikkoortortaqarfiuvoq, qitiusumik tunngaviusumik isumaqatigiissusiortarluni Namminersorlutik Oqartussani tamani atuutsinneqarsinnaasunik. Tunngaviusumik isumaqatigiissutit taakkua Namminersorlutik Oqartussat pisiortornermut aalajangersagaat naapertorlugit suliarineqartarput. Namminersorlutik Oqartussani immikkoortortaqarfinni tamani ataatsimoorlutik niuertarpata, annertunerusumik periarfissaqalissaagut taamaalillutalu iluaqutaasunik isumaqatigiissusiorsinnaasarnissaq angussallugu. Taamaattumik Pisiortortarnermut Immikkoortortaqarfiup Namminersorlutik Oqartussanilu immikkoortoqarfinni tamani suleqatigiinnikkut iluatsitsinissaq anguneqassaaq.

Qitiusumik Pisiortortarnermut Immikkoortortaqarfiup atuuffia tassaavoq qitiusumik aqutsisoqarfimmi immikkoortortani nioqqutissat kiffartuussinerillu qangatut ingerlatiinnarneqarnissaat, akikinnerusumilli pisortallu pisiortortarnermut periaasiisa torersuunissaat mianeriniarluarlugu. Tamatuma saniatigut kissaatigaarput Pisiortortarnermut Immikkoortortaqarfiup Namminersorlutik Oqartussat immikkoortuaniittup pisiortortarnerata pisariillisaavigineqarnissaa. Tunngaviusumik isumaqatigiissutit atuutsinneqarnerisigut immikkoortortaqarfiit pisinialernerit tamaasa neqeroorutinik naliliisassanngillat neqeroorutinillu pissarsiniartassanatik.

Qitiusumik Pisiortortarfiup ilaatigut sulinini Qitiusumik Naatsorsuuserivimmiit (DcR) oqaluttuarisaanermi ullumikkullu pissutsini paasissutissanik katersuisarnermik tunngaveqartissavaa. Tamatuma saniatigut taamatut suliaqartartunik allanik suleqateqartarnissaq, assersuutigalugu Statens og Kommunernes Indkøbs Service (SKI) aamma Aningaasaqarnermut Aqutsisoqarfik. Tamatuma saniatigut sulineq pingaartumik tassaassaaq immikkoortunik akuusunik, pisariaqartitaat, misilittagaat ilinniakkatigullu ilisimasaat pillugit ingerlaavartumik paaseqatiginnittarnissaq.

Tunngaviusumik isumaqatigiissummik suliaqarnitsinnut siunnersuutinik assigiinngitsunik pissarserusukkaluarpugut. Atuisunimmi paaseqatigiittarnissami isumaqatigiissutinik pitsaanerpaanik angusaqartassaagut.

Sulisoqarneq

Qitiusumik Pisiortortarnermut Immikkoortortaqarfik ulloq naallugu ataasinnarmik sulisorisaqarpoq:

Qitiusumik Pisiortortarnermut Immikkoortortaqarfik pisortaagallartoq:

Aallaffimmi pisortaq Naja Lydeking-Olsen, tlf. 34 52 08, mail: nlyn@nanoq.gl

Fuldmægtigi Olga Shoydorova. tlf.: 34 58 65, mail: olsh@nanoq.gl

Fuldmægtigi Samantha Pedersen, tlf.: 34 58 31, mail: sayo@nanoq.gl

Siunnersortit pisortaat Anders Malinovski, oqa.: 34 58 39 mail: andm@nanoq.gl