Piginnaasanik Aaqqissuussaanermillu Ineriartortitsivik

Allaffik katillugit qulingiluanik sulisoqarpoq tassaappullu allaffimmi pisortaq, sulisunik ineriartortitsinermi suleqataasut sisamat, pikkorissarnermik aqutsisoq ataaseq, ilinniartitsisoq ataaseq, siunnersorti ataaseq ilinniartorlu ataaseq.

Aqutsisup siunnersorneratigut, ilitsersuunneratigut isumasioqatigineratigullu Qitiusumik allaffeqarfiup sullinnissaa allaffitta siunertaraa. Allaffiup suliassaa pingaarneq tassaavoq sulisussarsiulernerni naatsorsuutaasinnaasut pitsaasut pigilissagitit aammalu qitiusumik allaffeqarfiimmi sulisugut pikkorissut atatiinnarnissaat.

Allaffik sulisunik ineriartortitsinermi suleqatissanik piareersimasoqassaaq. Ukunani siunnersuisinnaavugut, ilitsersuisinnaavugut isumasioqataasinnaallutalu:

  • Sulisussarsiorneq – atorfimmik inuttassarsiuussineq, misilitsitsinissamut atortussat atorfinitsitsiniarnermilu oqaloqateqarnermi ikiuussinnaaneq
  • Peqqissutsikkut suliniut atugarissaarnerlu
  • Piginnaanngorsaaqqinneq aaqqissuussaanermillu ineriartortitsineq soorlu ingerlatanik ajornaallisaaneq, suleqatigiissinnaaneq, sulisut aqutsisullu ineriartornerat
  • Aqutsineq
  • Misissuineq misissueqqissaarnerlu
  • Ilinniartunik ataqatigiissaarineq
  • Allaffiup aamma pikkorissarnerit assigiinngitsut neqeroorutigivai sulisut aqutsisullu piginnaasatik ineriartortissinnaaniassagamikkit. Pikkorissarnerit tamarmik Namminersorlutik oqartussani kommuninilu neqeroorutaapput.

Piginnaasanik Aaqqissuussaanermillu Ineriartortitsivik killiliussat aningaasanut inatsimmi 20.30.01-imi aamma 20.30.02-mi ilanngunneqartut aallaavigalugit sulisarpoq.