Illunut immikkoortortaqarfik

Illuutinut Sullissinermullu Allaffiup Nuummi Namminersorlutik Oqartussat illuutaanni 24-ni neqeroorutigineqartunik ataqatigiissaarisuuvoq (facility management) illuutinillu aserfallatsaaliuisuullunilu ingerlatsisuuvoq. Illuutit annertussusaat 24.500 km2-inik angissuseqarput.

Illuutinut tunngatillugu suliniutit
Namminersorlutik Oqartussat Nuummi Qitiusumik Allaffeqarfiani illuutit atorneqartut tamarmik aserfallatsaaliortarneri ingerlanneqarnerilu Illuutinut Sullissinermullu Allaffeqarfimmit isumagineqartarput. Illuutit allaffiup akisussaaffigisai tamakkiisumik takussutissiami ilanngussaq 1-imi takukkit.

Illuutinut Sullissinermullu Allaffimmut saaffiginnissutit: Eqqiaanermut tunngasut rengoering@nanoq.gl-imut saaffiginnissutigineqassapput. Illuutinut/sanaartukkanut tunngasut bygning@nanoq.gl -imut saaffiginnissutigineqassapput.

Malitseqartitsinerit tamarmik Illuutinut Sullissinermullu Allaffiup akisussaaffigisaanut tunngasut tamarmik allaffik suleqatigalugu ingerlanneqartassapput.

Pisortaasup saaffiginnereerneratigut allaffik aatsaat ikiuuttarsinnaavoq.
 
Illuutinut Sullissinermullu Allaffik suliassamut atatillugu pisariaqartitsineq aningaasassaqartitsinerlu naapertorlugit pingaarnersiuisarpoq. Pingaartitsinissaq eqqarsaatigalugu immikkoortortaqarfiup allatigut iliuuseqartoqarnissaa kissaatigiguniuk isumaqatigiissutigineqarsinnaavoq immikkoortortaqarfiup aningaasartuutissat nammineq isumagisariaqassagaa.

Erseqqissaatigineqassaaq Illuutinut Sullissinermullu Allaffik suliassani aallaqqaammullu akuuffigisimanngisani aningaasatigut akisussaatinneqarsinnaanngimmat - suliassalluunniit allaffiup akisussaaffigisaasa ilagigaluarpagit.

Allaffinni silaannaap imaluunniit illuutini ajoqutaasinnaasut misissorneqarnissaat il.il. kissaatigineqartillugu immikkoortortaqarfiit Illuutinut Sullissinermullu Allaffeqarfimmut saaffiginnittassapput.

Allaffiup eqqiaanermut atatillugu suliassat suliarisinnaavai, soorlu natersuit.

Illuutinut Sullissinermullu Allaffeqarfiup akisussaaffii ukuupput:
  • Eqqiaanermik sullissineq, matumani natersuit (måtter) ilanngullugit
  • Ulluinnarni suliassat minnerit suliarineqarnerat – allattaaviit, qulliit, nivinngaaviit allallu nivinngarnissaat.
  • Maskiinat ikkussortariaqartut, soorlu kaffiliorfiit erruissutillu.
  • Nutarterinerit annikitsut, soorlu allanngortiterineq qalipaatitsisarnerlu
  • Aputaajaasarneq
  • Pigaartoqartarneq/kalerrisaarisarneq/qatserinermi atortut
  • Eqqaavilerineq
  • Pequtinik atoqqitassanik pequtsersuineq
  • Silaannarissartarneq/ silaannarisarfiit
  • Inini ataatsimoortarfinni qullernut tunngasut nerivimmi qulliit qulliillu nivinngartartut minillugit.
  • Imeq, kiassaaneq innaallagiarlu
  • Uninngatitsineq quersuarmiititsinerlu
  • Susassaqarfinnik allanngortoqartillugu nutsernerit annertuut
Illuutinut Sullissinermullu Allaffiup makku akisussaaffigai:

Eqqiaaneq

Ullut tamaasa eqqiaasoqartarpoq tamannalu sullissisumit avataaneersumit suliarineqartarpoq. Taakkununnga atatillugu qaammatikkaartumik kiisalu aasaanerani ukiuuneranilu eqqiaasoqartarpoq. Eqqiaanerit misissukulavavut, sullissisut suliassatik eqqortumik suliarisarnissaat qulakkeerniarlugu. Taamaakkaluartoq atuisut ikiortigisariaqarpavut, sumiiffiit tamaasa ullut tamaasa ornissinnaannginnatsigit. Eqqiaasimannginneq pillugu maalaarutit allallu rengoering@nanoq.gl -mut nassiunneqassapput

Maalaarutit nal. 10.00 kingorna tiguneqartut ullup ingerlanerani aaqqiivigineqarnissaat naatsorsuutigineqassanngilaq.

Allaffiup ataatsimoortarfiit natersuaqarnissaat taakkulu eqqiarneqarnissaat isumagisarai.

Qullernik, assilissanik il.il. nivinngartuisarneq
Illuutinut Sullissinermullu Allaffik assinik, qullinik atisanullu nivinngaavinnik nivinngaatiternermi ikiuussinnaavoq. Maluginiaruk allaffik atortunik katitigassanik pequtilluunniit katitigassat katiteqqinnerinik ikiuussinnaanngimmat.

Igaffimmi atugassanik elektroniskiusunik ikkussineq, soorlu kaffiliuutit erruissutillu
Igaffimmi atortut elektroniskit, imermut, sarfamut il.il. attavilerneqartariaqartut Illuutinut Sullissinermullu Allaffimmut saaffiginnissutigineqartassapput. Atortut innaallagiartortut allat immikkoortortat ataasiakkaat namminneerlutik akisussaaffigaat. Illuutinut Sullissinermullu Allaffik immikkoortortaqarfiit sinnerlugit innaallagisserisunik akuerisanik suliarinnittussanik innersuussisarsinnaavoq

Iluarsartuussineq, qalipaaneq aserfallatsaaliuinerillu minnerit

Qitiusumik allaffeqarfiup illuutaasa ilui silataalu allaffiup iluarsartuuttarpai, qalipattarpai, aserfallatsaaliortarlugillu. Iluarsartuussinissamut, qalipaanissamut, aserfallatsaaliuinissamullu pilersaarutit ukiumoortumik misissorneqartarput nakkutilliivigineqartarlutillu. Sanaartukkat aserorterisoqarneratigut, imermit sikumit, apummilluunniit ajoqusersimasut bygning@nanoq.gl.gl-imut nalunaarutigineqassapput.

Aputaajaaneq
Allaffik qimaaffissanut, isaarianut biilillu uninngasarfiinut atatillugu aputaajaasoqarnissaanut suliaqartuuvoq. Aputaajagassaqartillugu quasattoqartilluguluunniit allaffik saaffigineqassaaq.

Pigaartut/alarm/qatserutit Sanaartukkani ataatsimoorfiit alarmeqarlutillu videokkut nakkutigineqarput. Matumani qitiusumik allaffeqarfiup illutai pigaartunit nakkutigineqarput, taakkulu alarminik aallartittoqartillugu misissuiartortarput. Illuutinut Sullissinermullu Allaffiup qatserinissamut atortorissaarutit nutartertarnissaat akisussaaffigaattaaq.
Eqqaavilerineq Qitiusumik allaffeqarfimmi eqqagassatigut aaqqissuussinerit tamaasa allaffimmit isumagineqartarput. Eqqagassanik aaqqissuussani containerinik attartorneq taakkulu sap. ak. tamaasa aaneqartarnissaat ilaapput. Allatsinnerit allassimajunnaarnerillu allaffimmi suliarineqartarputtaaq. Eqqaavinnik containerinik aallinngitsoortoqarsimatillugu nalunaarutiginninnerni bygning@nanoq.gl-mut saaffiginnittoqassaaq.

Pequtit pillugit sullissineq Allaffik qitiusumik allaffeqarfimmut pequtinik atornikunik pequtsersuinissamut suliarinnittuuvoq. Pequtinik amigaateqarussi pequtaasivimmi atorsinnaasassinnik peqarnersoq misissoqqaarnissaa kaammattuutigaarput. Immikkoortortaqarfiit assartuinissaq namminneq isumagissavaat. Pequtinik nuussuineq pillugu isumaqatigiissutip atuuttup atornissaa eqqaamallugu.
Silaannarissarfiit aqqutaat/silaannarisarfiit Allaffik silaannarissarfiit aqqutaannut silaannarisarfinnullu akisussaasuuvoq. Matumunngalu atatillugu Illuutinut Sullissinermullu Allaffik Illup iluata silaannaa pillugu quppersagaliorsimavoq, taannalu Nanuaqqami nanineqarsinnaavoq.
Qaammaqqutit Allaffiup inini tamani qaammaqqusersuinissamut suliarinnittuuvoq, taamaakkaluartoq qaammaqqutit qilaaniittuunngitsut, soorlu nerrivimmut ikkuttakkat, natermiittussiat nivinngartartulluunniit pinnagit. Qaammaqqutit naammanngippata peerilluunniit taarsigassaappata saaffiginnigit.

Imeq, kiassaaneq innaallagiarlu
Allaffiup illuutit tamarmik imeqarnissaat innaallagiaqarnissaallu qulakkiissavaa. Imeerutsillugu innaallagiaarutsilluguluunniit, erngup innaallagissalluunniit aqqutaat ajoqusersimappat allaffik attavigineqassaaq.

Uninngatitsineq quersuarmiititsinerlu
Qitiusumik allaffeqarfik assigiinngitsumik toqqorsiveqarpoq, taakkunanilu pissutsit ilaat ammasuupput ilaallu matoqqasuullutik. Ammasuugunik qitiusumik allaffeqarfimmut killilersorneqanngitsumik atorneqarsinnaapput, matoqqasuugunik ima paasineqassaaq immikkoortortaqarfik aalajangersimasoq taamaallaat isumaqatigiissuteqarnikkut atorneqarsinnaasoq.

  • Jagtvej 34-imi toqqorsivik ammasuuvoq qitiusumillu allaffeqarfimmut atorneqarsinnaatitaalluni. Eqqortumik atuinissaq qulakkeerniarlugu isaariaq parnaaqqavoq taavalu Illuutinut Sullissinermullu Allaffimmut isumagineqarluni. bygning@nanoq.gl-imut saaffiginninnikkut isertoqarsinnaavoq.
  • Napasuliami allaffimmi toqqorsiveqarnermi pissutsit matoqqasuupput atuisunullu napasuliami allaffimmiunut atugassiaallutik. Quleriinni/immikkoortortani tamani inunnik attaveqarfissanik toqqaasoqarsimavoq taakkualu toqqorsivimmut naqqup iluaniittumut isersinnaanissaminnut aamma akuerineqarsimallutik.
  • Qitiusumik allaffeqarfimmi toqqorsiveqarfiit qilaami inissisimasut matoqqasuupput taamaallaallu immikkoortortamut sanaartukkamut piginnittumut atugassiaallutik.
Susassaqarfinnik allanngortoqartillugu nutsernerit annertuut
Illuutinut Sullissinermullu Allaffik susassaqarfiit nuussimatillugit, iluarsartuisoqartillugu allatigulluunniit pisariaqartillugu pequtinik nutserinissamut ataqatigiissaarissaaq pilersaarusiortuullunilu. Illup iluani nikisiterinerit/nuussinerit immikkoortumit namminermit isumagineqartarput. Taamaakkaluartoq nutsernissamut isumaqatigiissut Nanuaqqamiittoq maani atorneqassaaq.

Immikkoortortaqarfiit ataasiakkaat namminneerlutik akisussaaffigisaat ilaatigut makkuupput:

Eqqagassat iginneqartarnissaat
Eqqagassat annertuut tassunga ilanngullugit igitassat isertuussassanik imallit assartorneqarnissaat iginneqartarnissaallu immikkoortortaqarfiit namminneerlutik akisussaaffigaat. Eqqagassat annertuut tassaapput igitassat nalinginnaasumik igitsiffiusartuniissinnaanngitsut. Siunnersuut: Pequtinik nutaanik pisiffigisat isumaqatigiissuteqarfigisarsigit ingerlaleraangamik eqqagassat tigusassagaat. Eqqagassat annertuut eqqiaasunit isumagineqarneq ajorput.

Eqqagassat iginneqartarnissaat

Eqqagassat annertuut tassunga ilanngullugit igitassat isertuussassanik imallit assartorneqarnissaat iginneqartarnissaallu immikkoortortaqarfiit namminneerlutik akisussaaffigaat. Eqqagassat annertuut tassaapput igitassat nalinginnaasumik igitsiffiusartuniissinnaanngitsut. Siunnersuut: Pequtinik nutaanik pisiffigisat isumaqatigiissuteqarfigisarsigit ingerlaleraangamik eqqagassat tigusassagaat. Eqqagassat annertuut eqqiaasunit isumagineqarneq ajorput.
Nuunneq
Pequtit pigisallu angisuut nuunneqartarneri immikkoortortaqarfiit namminneerlutik akisussaaffigaat (susassaqarfiit allanngortiternerinut atatillugu, ataatsimoorluni nuussiortornissat pisariaqartinneqassappata tamanna nalunaarutigineqartassaaq).

Pequtit nikisinneqarsinnaasut
Pequtit nikisinneqarsinnaasut tassani pineqarlutik pissarsiarisarneri, iluarsaattarneri pisiarisarnerilu immikkoortortaqarfiit namminneerlutik akisussaaffigaat.

Pequtinik, pillorissaanermut atortunik il.il. pisiortortarnerit

Pequtinik nutaanik pisinissamut atatillugu immikkoortortaqarfik nammineerluni akiliissaaq.

Neqeroortitsinissamut pisinissamullu siunnersorneqarnissaq ikiorneqarnissarluunniit pisariaqartinneqassappat Pisiortortarnernut, Sanaartornernut Ineqartitsigallartarnernullu Allaffik maili una aqqutigalugu: indkøb@nanoq.gl attavigineqarsinnaavoq.

Pequtinik pisiniarneq sioqqullugu Namminersorlutik Oqartussat pequtaasivianut periarfissarsiorniarluni Illuutinut Sullissinermullu Allaffimmut saaffiginninnissaq kaammattuutigaarput.

Susassaqarfimmi tassani tunngaviusumik isumaqatigiissutit atuuttut Nanuaqqami atuarneqarsinnaasut maluginiarigit. Tamatuma saniatigut pisiat tunniunneqarnissaat katiterneqarnissaallu pillugit pisiffimmik isumaqatigiissuteqartarnissaq pissusissamisoorsinnaavoq.