Suliffigissaaneq

Suliffigissaaneq pillugu ilisimasaqarfiup suliffigissaaneq imatut nassuiarpaa

”inuup sulinerani attuumassutit, sunniutit atukkallu sunniiveqatigiinneri. Aamma tassaavoq suliffimmi teknikkikkut inuillu akornanni ineriartorneq, siunissami qaninnerusumi inuit ataasiakkaat isumannaatsuunerinut kiisalu siunissami ungasinnerusumi inuup timikkut tarnikkullu peqqissuuneranut iluaqutaasoq”

Kalaallit Nunaanni suliffigissaaneq pillugu inatsisip qulakkiissavaa suliffimmi isumannaallisaanerup isumannaatsuullunilu peqqinnartuunissaa, inuiaqatigiinni kalaallini teknikikkut inuillu akornanni ineriartornermut qaqugukkulluunniit naapertuuttoq.

Namminersorlutik Oqartussani suliffimmi isumannaallisaaneq qulakkeerniarlugu Suliffimmik Nalilersuineq aamma ukiumoortumik suliffimmi atugassarititaasut pillugit misissuinerit kiisalu Suliffigissaanermut Siunnersuisoqatigiit atortarpagut.