F2-mut tikilluarit

F2 ikkutiguk
F2-p toqqorsivia (Captia data) ikkutiguk    
F2 misiliut ikkutiguk

F2 mobil-imut imal. tablet-imut ikkutiguk

e-learning                      
       *Isissutissat atorlugu iserit

 

F2-mi atuisunit apeqqutigineqakajuttartunut akissutit matuma ataani takusinaavatit:

Kina superbrugerivara?

Takussutissiaq (akti) sooq aaqqissuussiffigisinnaanngilara?

F2 qanoq ilillunga telefoninnut inississavara?

Takussutissiaatikka/suliakka (aktiutikka/sagiutikka) sooq immikkoortortaqarfeqatinnit takuneqarsinnaappat?

Outlookimisulli eqqaasitsissutinik pissarsissaarpunga?

Takussutissiaatima (aktiutima) ilai kisiisa sooq takusinnaavakka? (assersuutigaluigu indbakkemi)

Suliarisimasakka tamarmik sooq ”mit skrivebord”-imi nassaarineqarsinnaappat?

Suliamik suliarinneqataasoq sooq takussutissiamik (aktimik) iluarsiisinnaanngila?

Mailimik namminerisannik takussutissiaatinnut (aktiutinnut) sooq nuutsisinnaanngilanga?

Mailimik qanoq ilillunga utertitsisinnaavunga (F2-mi kisimi)?

F2-mi iserasuaatit (genvejstastit) qanoq ilillunga nassaarissavakka

F2-mi nammineerluni akisartoq qanoq aaqqissuutissavara?

Takussutissiaq (akti) pisoqaanerusoq qanoq ilillunga F2-mi atortussanngortissinnaavara?

Takussutissiaq (akti) sooq aaqqissuussiffigisinnaanngilara?

Atuisutut paasissutissat ”takuneqarsinnaanngitsut” (metadatat) iluarsiivigisinnaanngikkaanni pissutaakkajuttarpoq takussutissiaq (akti) atuarneqartussaannartut (læsetilstand) inissisimasarmat. Takussutissiaq (akti) aaqqissuussiviginiarlugu Ret toorneqassaaq.



F2 qanoq ilillunga mobilinnut inississavara?

App-i F2 Touch iPhonemut Androidimullu atugassaq aaneqarsinnaavoq.

iPhone/iPad
App-i F2 Touch app storemi nassaariuk aallugulu.

App-i ikkutereerukku ”indstillinger” iserfigeriarlugu F2 Touch iserfigissavat. F2 Touch tooruk, taava ataani takutinneqartutut skærminni nuisoqassaaq. F2 Touchi mobilikkut, Wifi-kkut attaveqanngitsukkut, iserfiginiarukku ”Brug mobildata” ikissavat.

Allaffissami ”Server address”-imi una allassavat: https://f2touch.nanoq.gl/f2touch
Adressi allareerukku toqqorneqassaaq, taamaalillutillu toortagaq “Hjem” tuuginnarsinnaavat.
Iserfiginiarlugu app-i ammassavat, atuisutullu ilisarnaatit allallugu (naqinnerit ilisarnaatitit kisiisa – @nanoq.gl pinnagu), taamatullu qarasaasiannut isissutitut atukkat allallugu.


Android
App F2 Touch, Google Play Butikimi nassaariuk aallugulu.
App-i ikkutereerukku ammariarlugu ”indstillinger” iserfigissavat. Allaffissami ”Server address” una allassavat: https://f2touch.nanoq.gl/f2touch

Adressi allareerukku toqqorneqassaaq, taamaalillutillu toortagaq Hjem tuuginnarsinnaavat.
Iserfiginiarlugu app-i ammassavat, atuisutullu ilisarnaatit allallugu (naqinnerit ilisarnaatitit kisiisa – @nanoq.gl pinnagu), taamatullu qarasaasiannut isissutitut atukkat allallugu.

F2 Touchip qanoq ikkussuunneqarsinnaaneranut ilitsersuut F2-p toqqortaasiviani Nanuaqqamiluunnit takuneqarsinnaavoq uani.


Takussutissiaatikka/suliakka (aktiutikka/sagiutikka) sooq immikkoortortaqarfeqatinnit takuneqarsinnaappat?

Takussutissiamik (aktimik) toqqorsinerit tamaasa aperineqartarputit immikkoortoqatigiit (enhedit) avitseqatigiiffigerusunneritit. Tamanna isumaqarpoq ”ja”-p toorneri tamaasa immikkoortoqatigiinni (enhedini) takussutissiaq (akti) tamanit takuneqarsinnaassasoq, maili suliarluunniit inummut namminermut tunngasuugaluarpalluunniit. Takunnissinnaasunik killiliiguit (assersuutigalugu isumannaallisaanermi suleqatigiinnut (sikkerhedsgruppenut)), ataatsimoorlutik takunnissinnaatitaasut kisimik (assersuutigalugu immikkoortoqatigiinniittut (enhedimiittut) tamarmik) aammalu killiliussanniittut kisimik takussutissiaatinnik (aktiutinnik) takunnissinnaapput.


Outlookimisulli eqqaasitsissutinik pissarsissaarpunga?

Tamanna eqqorpoq. Ajoraluartumik F2-mi eqqaasitsissutinik toqqaannartumik Outlookimisulli pissarsisoqarsinnaanngilaq. Taarsiullugu Outlooki millisillugu ammatinneqarsinnaavoq, taamaalilluni eqqaasitsissutit pissarsiarisinnaajumallugit (maililli atuuffii allat atassutaarlugit), imaluunniit F2-mi iserfissiaq pingaarnermi takussutissiakkut (aktikkut) talerperlermik toorlugu (højreklikerlugu) ”Påmindelse” toqqarneqarsinnaavoq, nammineerluni eqqaasitsissummik sananiarluni.


Takussutissiaatima (aktiutima) ilai kisiisa sooq takusinnaavakka? (assersuutigaluigu indbakkemi)

F2-mi tunngaviusumik allattorsimaffiit tamarmik takussutissiat (aktit) kingulliit 100-t takutittarpaat. Taanna ”indstillinger – opsætning”-ip iluani 1000-nut allanngortinneqarsinnaavoq. Allattorsimaffiup ilaani ujaasiniaraanni assersuutigalugu allakkat ullui, imaluunniit ulloq pilersinneqarfiat atorlugu ujarneqarsinnaapput ”avanceret søgning”-ikkut takussutissianit (aktinit) 1000-nit amerlanerusut ilaannanngui takutinniarlugit.


Suliarisimasakka tamarmik sooq ”mit skrivebord”-imi nassaarineqarsinnaappat?

Tunngaviusumik takussutissianik (aktinik) F2-mi pilersitsineq nammineerluni aqutsineq atuisup ”skrivebord”-ianut inissittussanngorlugu inissitaavoq (ataani assiliaq takuuk). Takussutissiaq (akti) ”skrivebord”-imi ”indbakke”-milu ataatsikkut inissisimatissinnaavat – apeqqutaaginnarpoq sukkasuumik nassaarisinnaanissaa. Takussutissiaatitit (aktiutitit) tamarmik ”Mit arkiv”-iittuaannarput.

Suliamik suliarinneqataasoq sooq takussutissiamik (aktimik) iluarsiisinnaanngila?

Takussutissiami (aktimi) suliamik suliarinneqataasussamik ilanngussigaanni pineqartoq takussutissiamik (aktimik) atuaasinnaanngortarpoq. Takunnissinnaanermik piginnaatitsissutit taakku allanngortinneqarsinnaapput, suliarinneqataasussatut ilanngussap aqqata nalaatigut talerperlermik tooraanni (højreklikeraanni), taavalu ”skriveadgang”-i imaluunniit ”skriveadgang til dokumenter”, takussutissiap (aktip) qupperneraaniittoq toqqarlugu. Aamma ”Indstillinger -> Opsætning -> Generelt” aqqutigalugu inissinneqarsinnaapput, takussutissiamut (aktimut) suliamik suliarinneqataasussamik ilanngussinermut atortagassatut suliarineqassappat.


Mailimik namminerisannik takussutissiaatinnut (aktiutinnut) sooq nuutsisinnaanngilanga?

Avataaniit mailit tigusat kisimik ”Private akter”-ip allattorsimaffianut nuunneqarsinnaapput. Mailit Namminersorlutik Oqartussaneersunit allanit tigusat takunnissinnaasunut ”involverede”-nut inissinneqarsinnaapput. Taamaalilluni nassitsisup tigusisussallu kisimik takusinnaassavaat.


Mailimik qanoq ilillunga utertitsisinnaavunga (F2-mi kisimi)?

Mailimik utertitsinissaq pisariaqartinneqarpat maili ”Mine sendte akter”-ip iluaniittoq peerlugu tamanna pisinnaavoq, taamaalilluni F2-mi tigusisunit aamma peerneqassaaq – atuareeraluarpassuk atuariinngikkaluarpassulluunniit.

F2-mi iserasuaatit (genvejstastit) qanoq ilillunga nassaarissavakka
F2-mi iserasuaatissat (genvejstastit) amerlasoorujussuupput, toorsinernik arlalinnik pinngitsoortitsiviusinnaasut, sulininnillu sukkanerulersitsillutik.

F2-mi toqqagassani qullerpaani ”hjælp” toorsinnaavat, ”Vis genveje”-lu toqqarlugu - tassani takusinnaalissavatit maanna isersimaffigisanni iserasuaatitut (genvejstastitut) periarfissat tamarluinnaasa. Indbakkemiinninni allamiluunniit, takusassiami (aktimi), suliamiluunniit (sagimiluunniit) isersimaffigisanni iserasuaatit (genvejstastit) assigiinngitsut atorsinnaavatit.

Iserasuaatit (genvejstastit) torrallatat ilai makku taaneqarsinnaapput:

  • Alt+A – takussutissiaq (akti) toqqakkat toqqoruk – taamaallaat atorsinnaavoq
    ”Indstillinger -> Opsætning -> Generelt”-imi atortussanngortissimagukku
  • Ctrl+R – massakkut isersimaffigisanni takussutissiaq (akti) toqqarneqartoq piissavaa (taamaallaat atorsinnaavoq ”Min indbakke”-mi aamma ”Mit skrivebord”-imi)
  • Alt+N – Takussutissiamik (aktimik) nutaamik pilersitsigit
  • Alt+M – Mailimik nutaamik pilersitsigit (takussutissiami (aktimi) mailimik takutitsivissaq ikumappat)
  • Alt+L – Tamaasa akikkit
  • Alt+V – Akti/maili ingerlateqqillugu nassiutiguk


F2-mi nammineerluni akisartoq qanoq aaqqissuutissavara?

1. ”Indstillinger” iserfigiuk, ”Opsætning”-ilu toqqarlugu:
2. ”Opsætning”-imi toqqassavat ”Ikke til stede”:

Nammineerluni akissutissiaq allaffissiami allaqqanermisut nassiunneqassaaq – taamaattumik atsiornerit ilanngukkusukkukku taanna kopiissavat allaffissiamullu nuullugu.
Mailimik ilinnut nassitsiniartoq chatterniartorluunniit peqannginninnik nalunaarfigineqassaaq, tigusisussatut F2-mi nalunaaqutserneqarsimaguit.


Takussutissiaq (akti) pisoqaanerusoq qanoq ilillunga F2-mi atortussanngortissinnaavara?

Inuit allat takussutissiami (aktimi) allagaasiamik (dokumentimik) kingulliullutit aaqqissuussanni aaqqissuussiniarpata F2-mit siunnersorneqassapput versionimik nutaamik pilersitseqqullugit.
Versionit assigiinngitsut takusinnaavatit ”Versioner x/x” tooriarlugu versionimik takusassannik toqqaallutit.



Versioni siulleq allanngortissinnaanngilat, pissutigalugu nutaanerpaaq atortussanngormat – siunnerusukkulli versioniliaq atuuttussanngortinniarukku (assersuutigalugu versioni nutaanerpaaq ajoquteqarmat, imaluunniit suliarujussuit arlaata peersimappagu) taamaaliorsinnaavutit.

Versioni atuuttussanngortinniakkat toqqarlugu aallartigit.
Taava ”Ny version af akt” tooruk.

Taava tulliuttumi assilissami takusinnaasattut ittoq saqqummissaaq, oqaluttuullutillu versioni isigisat atuuttussanngortissinnaagit – versionimik nutaamik pilersikkusutannik pilersitsilluni.